Ustoz faxriy yorliq bilan taqdirlandi

15-aprel — Madaniyat va san’at xodimlari kuni munosabati bilan Sherobod tumani 8-son bolalar musiqa va san’at maktabining doira sinfi o‘qituvchisi Bobomurodov Shermamat Bobomurodovich madaniyat va san’at sohasidagi samarali mehnati, ijtimoiy hayotdagi faol ishtiroki hamda yosh avlodni san’atga oshno etish yo‘lidagi xizmatlari uchun Surxondaryo viloyati hokimining Faxriy yorlig‘i bilan taqdirlandi.

Mazkur yuksak e’tirof ustozning ko‘p yillik fidokorona mehnati va o‘quvchilarning ijodiy yutuqlarida o‘z aksini topgan samarali faoliyatining munosib bahosi bo‘ldi. Maktab jamoasi Bobomurodov Shermamat Bobomurodovichni ushbu mukofot bilan samimiy tabriklab, kelgusidagi faoliyatida ulkan zafarlar tilaydi.