Huquqiy axborot darsi o‘tkazildi
Surxondaryo viloyati Madaniyat boshqarmasi tasarrufidagi Sherobod tumani 8-son bolalar musiqa va san’at maktabi o‘qituvchilari uchun huquqiy axborot darsi tashkil etildi.
Huquqiy axborot darsida O‘zbekiston Respublikasining 2020-yil 23-sentabrdagi O‘RQ-637-son “Ta’lim to‘g‘risida”gi Qonuni mazmun-mohiyati, unda belgilangan asosiy talab va vazifalar haqida batafsil ma’lumot berildi.
Dars davomida ta’lim sohasidagi qonunchilikning ahamiyati, pedagog xodimlarning huquq va majburiyatlari, ta’lim oluvchilarning huquqlari hamda ta’lim jarayonini qonunchilik talablari asosida tashkil etish masalalariga alohida e’tibor qaratildi.
Sherobod tumani 8-son bolalar musiqa va san’at maktabida huquqiy savodxonlikni oshirishga qaratilgan bunday tadbirlar izchil davom ettiriladi.