Xush kelibsiz!

Surxondaryo viloyati Sherobod tumani 8-son Bolalar musiqa va san’at maktabining rasmiy veb-saytiga xush kelibsiz!

Bizning maktabimiz yosh avlodning musiqiy va badiiy iste’dodini kashf etish, ularni har tomonlama rivojlantirish hamda milliy va jahon san’ati an’analarini chuqur o‘rgatishga yo‘naltirilgan zamonaviy ta’lim maskanidir. Maktabimizda o‘quvchilarga professional ustozlar tomonidan fortepiano, xalq cholg‘ulari, vokal, tasviriy san’at hamda boshqa san’at yo‘nalishlari bo‘yicha puxta bilim va ko‘nikmalar beriladi.

Biz o‘quvchilarimizning ijodiy salohiyatini rivojlantirish, ularni turli tanlov va ko‘riklarda faol ishtirok etishga undash hamda san’at orqali yuksak did va madaniyatni shakllantirishni o‘z oldimizga maqsad qilib qo‘yganmiz. Maktabimizda tashkil etilayotgan konsert dasturlari, ko‘rik-tanlovlar va madaniy tadbirlar yosh iste’dodlarning sahnada o‘z imkoniyatlarini namoyon etishiga keng yo‘l ochib beradi.

Mazkur veb-sayt orqali siz maktabimiz faoliyati, o‘quv jarayonlari, yo‘nalishlar, o‘qituvchilar jamoasi hamda o‘quvchilarimiz erishayotgan yutuqlar haqida batafsil ma’lumot olishingiz mumkin.

San’atga oshno qalblar maskaniga xush kelibsiz!

Rahbariyat, o'qituvchi va xodimlar

Saidova Nigora Rajabboyevna