Ijod maskani turkum tadbirlari doirasida mahorat darsi o‘tkazildi
Sherobod tuman 8-son bolalar musiqa va sanʼat maktabida tasviriy sanʼat yo‘nalishi o‘quvchilari uchun “Ijod maskani” turkum tadbirlari doirasida mahorat darsi tashkil etildi.
Mazkur mahorat darsida Xalq taʼlimi aʼlochisi, O‘zbekiston Badiiy akademiyasi aʼzosi, rassom Qodirov Olim Turkmenovich ishtirok etib, o‘quvchilarga tasviriy sanʼat sir-asrorlari, ranglar uyg‘unligi hamda ijodiy yondashuv usullari haqida qimmatli tavsiyalar berdi.
Mashg‘ulot davomida o‘quvchilar ustoz rassom tomonidan yaratilgan asarlar bilan yaqindan tanishib, rasm chizish jarayonidagi nozik jihatlar hamda tasviriy sanʼatda kompozitsiya yaratish bo‘yicha amaliy ko‘nikmalarga ega bo‘ldilar.
Mazkur mahorat darsi o‘quvchilarning ijodiy qobiliyatlarini rivojlantirish, ularning sanʼatga bo‘lgan qiziqishini yanada oshirishda muhim ahamiyat kasb etdi.
✅Telegram manzilimiz:
https://t.me/Sherobod_8_BMSM