O‘zbekiston Respublikasi Madaniyat vazirligining “Ijodkor yoshlarni qo‘llab-quvvatlash va rag‘batlantirishning qo‘shimcha chora-tadbirlari to‘g‘risida” 2025-yil 30-maydagi 266-son buyrug‘i hamda mazkur buyruqning 2-ilovasi bilan tasdiqlangan chora-tadbirlar dasturining 3-bandida belgilangan vazifalar ijrosini ta’minlash maqsadida Surxondaryo viloyati Sherobod tumani Maktabgacha va maktab ta’limi bo‘limi hamda Sherobod tuman 8-son bolalar musiqa va san’at maktabi hamkorligida navbatdagi targ‘ibot konserti tashkil etildi.

Tadbir Sherobod tuman 33-sonli davlat maktabgacha ta’lim tashkilotida bo‘lib o‘tdi. Unda musiqa va san’at maktabining iqtidorli o‘quvchilari tomonidan kuy-qo‘shiqlar, cholg‘u ijrolari hamda badiiy chiqishlar namoyish etildi.

Konsert dasturi davomida yosh ijrochilar o‘z mahoratlarini namoyon etib, tomoshabinlarga ko‘tarinki kayfiyat ulashdilar. Tadbir kichkintoylar va tarbiyachilar tomonidan katta qiziqish bilan kutib olindi. 

✅Telegram manzilimiz:
https://t.me/Sherobod_8_BMSM